Sot fillon Festivali i Matematikës, i cili zhvillohet për herë të tretë. Sivjet mbahet në shkollën e mesme të ulët “Meto Bajraktari”. Dekan i Fakultetit të Shkencës Matematike dhe Natyrore, Kajtaz Bllaca ka theksuar rëndësinë e këtij festivali si një mundësi për të promovuar matematikën dhe për të angazhuar të rinjtë dhe mësuesit në diskutime mbi matematikën.

“Ky është edicioni i tretë i festivalit të matematikës në një nivel të organizuar, pas disa edicionesh më herët që ishin zhvilluar në nivele individuale. Dita e matematikës është e veçantë ka filluar të festohet për herë të parë në Amerikë, dhe 14 marsi është një datë simbolike në të gjithë botën, duke u lidhur me numrin Pi”, ka theksuar Bllaca në “Mirëmëngjesi Kosovë” në RTK.

Gjithashtu Bllaca, shpjegoi qëllimin e festivalit, i cili ka për qëllim promovimin e matematikës në një nivel sa më të gjerë dhe inkurajimin e diskutimeve mbi shkencën. Festivalit ka tri kategori për konkurrim:

Kategoria e parë: Vepra arti, ku pjesëmarrësit krijojnë dhe shprehin artin përmes pikurave që lidhen me matematikën, nga nxënësit e klasës 6 deri në të 9.

Kategoria e dytë: Video në të cilat pjesëmarrësit paraqesin si do ta shpjegonin matematikën sikur të ishin profesorë.

Kategoria e tretë: Video deri në tre minuta, ku mësuesit para universitar tregojnë arsyet pse e kanë zgjedhur matematikën si profesion.

Ky festival ka për qëllim të angazhojë të gjitha grup moshat dhe të krijojë një hapësirë për të reflektuar mbi rëndësinë e matematikës dhe shkencës në jetën e përditshme.