Reshjet e fundit të shiut kanë shkaktuar vështirësi të dukshme në qarkullimin rrugor në qytetin e Ferizajt.

Si pasojë e akumulimit të shpejtë të ujit, nënkalimi kryesor i qytetit është mbuluar nga uji, duke e kthyer këtë aks rrugor në një zonë pothuajse të pakalueshme për automjetet e vogla.

Pamjet e siguruara nga terreni tregojnë nivelin e lartë të ujit brenda nënkalimit, ku drejtuesit e mjetit detyrohen të lëvizin me shumë kujdes për të shmangur bllokimin ose dëmtimin e veturave.