Ministri i Ekonomisë në Serbi, Rade Basta, ka kërkuar vendosjen e sanksioneve ndaj Rusisë dhe së fundi ka rënë në qendër të vëmendjes për shkak të qëndrimeve të tij. Kush është Rade Basta?
Rade Basta i reagoi më herët ambasadorit rus Aleksandar Botsan-Karchenko duke e bërë një postim në të cilin tregohet se Rusia i kishte vënë sanksione Serbisë më 1992.
Pse Rusia votoi në OKB në vitin 1992 për vendosjen e sanksioneve ndaj vendit tonë?” – ka shkruar Basta në mbishkrimin për këto foto.
Kush është Rade Basta?
Basta është një ministër 43 vjeçar i lindur në Novi Sad që kryen detyrën aktuale në Qeverinë e Serbisë prej vitit 2022.
Ai ka punuar fillimisht në Ministrinë e Punëve të Brendshme të Serbisë, prej vitit 1998 e deri më 2005.
Më pas, Basta kishte punuar në sektorin e energjisë. Në shtatorin e 2018-s, mori pozicionin më të rëndësishëm prej atëherë, duke qenë president i Impianteve të Energjisë në Beograd.
Pozicionet politike
Basta është mbështetës i energjisë nukleare dhe ka kërkuar që Serbia të ndërtojë një impiant të energjisë bërthamore për të siguruar energji.
Ai po ashtu, kishte kërkuar që Qendra Humanitare famëkeqe ruso-serbe në Nish duhej të mbyllej, dhe që Serbisë i vyente një qendër shkencore e kërkimore për teknologjitë nukleare bashkë me BE-në dhe ShBA-në.
