Patriarku Porfirije dje në festën e Pashkëve ka mbajtur Liturgjinë e Shenjtë në Patriarkanën e Pejës, ku nga fotot e publikuara shihet se i pranishëm ka qenë edhe kryetari i Komunës së Pejës, Gazmend Muhaxheri.

“Krishti u ringjall! Zoti ynë u ringjall me të vërtetë, vëllezër dhe motra! Ai me të vërtetë u ringjall, por njeriu u ringjall me Të! Dhe ne u ngritëm bashkë me Të dhe u ringjallëm. Çdo njeri për të cilin Zoti erdhi në botë u krijua të ngrihet dhe të jetojë për jetën e përjetshme. Prandaj sot nuk ka asnjë fjalë, asnjë mendim dhe asgjë nga kjo botë që mund të shprehë atë gëzim dhe te vërtetën e përjetshme,  që ne jemi njerëz të vegjël, hi e pluhur, të krijuar për jetën e përtejme, që nuk ka më armiq, nuk ka më vdekje, se askush nuk mund të na pengojë të marrim pjesë në atë gëzim, të përqafojmë njëri-tjetrin dhe t’i gëzohemi Zotit tonë, që së bashku me Të të gëzohemi me njëri-tjetrin, t’u themi edhe atyre që na urrejnë se janë vëllezërit tanë dhe se të gjithë i falim njëri-tjetrit me mëshirën e Zotit”, tha ai para besimtarëve të pranishëm.

Më pas shtoi se ne nuk mund të bëjmë pa njëri-tjetrin, pavarësisht dallimve që kemi.

“Ne nuk mund të bëjmë pa njëri-tjetrin. Askush nuk mund të bëjë pa tjetrin, pavarësisht se si dhe në çfarë mënyrash i lutet Zotit, pavarësisht se ku ka lindur, pavarësisht nëse është i famshëm, i njohur apo i panjohur, pavarësisht nëse është i ditur apo injorant. Në Zotin tonë të ringjallur ne jemi të gjithë një dhe prandaj ekskluzivisht dhe vetëm nëpërmjet Ringjalljes së Tij ne shikojmë dhe vëzhgojmë njëri-tjetrin vetëm në gëzimin e jetës sonë dhe atëherë do të jemi të sigurt në gëzimin e të gjithë jetës sonë njëri-tjetrin”, theksoi ai.