Rënia kognitive është një nga aspektet më sfiduese të plakjes tek njerëzit. Sipas rezultateve të shumë studimeve, aftësitë e të kuptuarit, të kujtesës dhe të arsyetimit mund të fillojnë të dobësohen që në moshën 45-vjeçare.

Edhe pse dobësimi i aftësive njohëse është një pjesë e natyrshme e plakjes dhe si e tillë nuk paraqet shenjë alarmi, mjekët paralajmërojnë se ka ende disa shenja të cilave duhet t’u kushtohet vëmendje në rast se të njëjtat ndryshime të përmendura shfaqen më herët seç duhet.

Gjegjësisht, disa simptoma që mund të shfaqen tek një person i moshës së re apo të mesme mund të tregojnë se truri i tyre po plaket shumë më shpejt se sa duhet, dhe kjo mund të rrisë rrezikun e demencës dhe sëmundjeve të tjera konjitive, shkruan Index.hr.

Kjo është arsyeja pse shenjat që duhet t’u kushtojmë vëmendje janë këto:

Humbja e kujtesës dhe harresa

Vështirësi me përqendrim dhe fokus

Rënie në aftësitë e zgjidhjes së problemeve

Luhatjet e humorit dhe paqëndrueshmëria emocionale

Zvogëlimi i shkathtësisë mendore dhe shpejtësia më e ngadaltë e përpunimit.