Oda Ekonomike e Kosovës ka bërë të ditur se ka pritur në vizitë presidentin e Eurochambres, Vladimír Dlouhy.

Sipas njoftimit të OEK, ky takim theksoi lidhjet e forta ndërmjet Kosovës dhe komunitetit të gjerë të biznesit evropian, duke hapur dyer të reja për bashkëpunim dhe rritje.

“Ishte kënaqësi e madhe të prisnim presidentin e Eurochambres gjatë vizitës së tij në Kosovë. Palët patën diskutime të frytshme për përmirësimin e marrëdhënieve tregtare, promovimin e mundësive për investime dhe nxitjen e bashkëpunimit më të madh ndërmjet bizneseve në Kosovë dhe në mbarë Evropën”, thuhet në njoftim .

OEK thotë se kjo vizitë është një hap i rëndësishëm drejt forcimit të mëtejmë të pozitës së Kosovës në peizazhin ekonomik evropian.