Deputeti shqiptar, Genci Nimanbegu  vlerësoi se duhet të ketë besim për të arritur një dialog mes palëve në Mal të Zi.

“Mandati ishte i qartë, i bazuar në rivendosjen e stabilitetit institucional dhe politik dhe ne i dhamë besimin tonë për shkak të decentralizimit, ndryshimeve në ligjin për pronat detare, kthimit të pronave komunave në Mal të Zi, përfshirë ligjin e vitit 2009. E gjithë kjo nuk u arrit në këto 100 ditë. Mungoi besimi sepse kemi një subjekt politik të paqartë”, tha ai.

Nimanbegu theksoi se shqiptarët nuk e kanë problem marrëveshjen me Kishën Ortodokse Serbe dhe sepse është e nevojshme, raporton rtcg

Sipas mendimit të tij, vetë kryeministri Dritan Abazoviq hapi mundësinë e votimit të mosbesimit.

“Duhet të kishit vepruar ndryshe, por kjo tashmë është punë e kryer”, ka theksuar Nimanbegu.

Ai shtoi se kryeministri nuk është fajtor për të gjitha pasojat dhe se ka shumë probleme të trashëguara – ekonomike, politike, korrupsioni, krimi i organizuar…

“Prandaj, qytetarëve duhet t’u tregohet një udhërrëfyes këtu. Qeveritë e pakicave janë të ndjeshme, ato mund të prishen në një çështje. Ne bëjmë thirrje që drejtuesit e subjekteve politike të mblidhen dhe të diskutojnë se si të dalin nga kjo situatë”, tha Nimanbegu.

“Ne do të përmbahemi nga votimi i mosbesimit”, përfundoi ai.

Ndryshe, 36 deputetë kanë paraqitur mocionin e votëbesimit ndaj qeverisë së Malit të Zi ndërsa nevojiten 41 që të votojnë për largimin e Abazoviqit.