Në kuadër të shënimit të 45-vjetorit të Demonstratat e vitit 1981 në Kosovë, në ambientet e Biblioteka Hivzi Sylejmani u mbajt përurimi i dy veprave të shkrimtarit tropojan Rexhep Hasani.

Ngjarja u organizua nga Art Club “Rifat Kukaj”, ku para një audience nga Kosova dhe Shqipëria u promovuan romani “Ura mbi plumb” dhe përmbledhja me tekste këngësh “Kanga që nuk u vra”.

Atmosferës së veçantë i parapriu interpretimi i këngës nga Fatime Sokoli, e njohur për këngët epike si “Moj Kosovë, kështjell burrnie” duke rikthyer emocionet e kohës.

Në emër të botuesit foli kryetari Izet Abdyli, i cili falënderoi autorin dhe ndau kujtime nga bashkëpunimet e mëhershme. Ndërkaq, redaktorja Eranda Hasani solli detaje nga puna mbi librat dhe rëndësinë e tematikës që trajtojnë.

Për vlerat artistike dhe përmbajtësore të veprave folën studiuesi Bedri Tahiri dhe kritiku letrar Xheladin Mjeku, ndërsa vlerësime shtesë dha edhe përfaqësuesi nga Tropoja Gëzim Ibrahim Prengzi.

Një moment tejet emocional solli drejtoresha e bibliotekës Naime Beqiraj, e cila ndau një kujtim personal lidhur me ndikimin e këngëve të kohës në jetën e familjes së saj.

Në fund, autori Rexhep Hasani falënderoi organizatorët dhe të pranishmit për mbështetjen dhe pjesëmarrjen, ndërsa ngjarja u moderua nga Ali Topalli, i cili i dha një ritëm të veçantë këtij manifestimi letrar. /Kosova.info/