Fushata “Zgjedhe shpresën” e Lidhjes Demokratike të Kosovës po merr edhe më shumë energji me prezantimin e kandidates së saj për Kuvend, Nazmije Krasniqi, e cila garon me numrin 84 në listën 123. E njohur për qëndrueshmëri, guxim dhe përkushtim të pandalshëm ndaj drejtësisë, Krasniqi vjen para qytetarëve si një profil që mishëron integritetin dhe vendosmërinë që kërkon koha.

Me mbi 19 vite përvojë profesionale në administratën publike, ajo ka ndërtuar reputacionin e një gruaje që nuk hesht përballë padrejtësive. Në çdo detyrë që ka ushtruar, Nazmije Krasniqi ka ngritur zërin aty ku të tjerët kanë ngurruar duke mbrojtur me përkushtim transparencën institucionale, sundimin e ligjit dhe të drejtat e qytetarëve.

Për vite të tëra, ajo është konsideruar një pikë orientimi për korrektësi dhe reagim ndershmërie në institucionet ku ka punuar. Angazhimi i saj për barazinë gjinore, mbrojtjen e të drejtave të punëtorëve dhe luftimin e çdo forme abuzimi e diskriminimi e ka bërë atë një figurë të besuar dhe të respektuar në komunitet.

Sipas mbështetësve të saj, guximi i Nazmijes buron nga bindja se secili qytetar meriton trajtim të drejtë, institucione të përgjegjshme dhe vendimmarrje të pastër. Pikërisht për këtë, ajo shihet si një zë i pathyeshëm dhe përfaqësuese e denjë e qytetarëve që kërkojnë ndryshim.

Mesazhi i saj është i qartë:

Vota ka fuqi. Vota sjell ndryshim.

Për shpresë, integritet dhe vendosmëri – voto LDK 123, voto Nr. 84, Nazmije Krasniqi. /Kosova.info/