Qeveria e Republikës së Kosovës ka miratuar masat e reja anti-COVID-19, ku në kuadër të tyre ka ndryshime edhe në aktivitetet sportive.

Në sallat e mbyllura janë lejuar 15 për qind e tifozëve, ndërsa në aktivitetet sportive të hapura lejohen deri në 30 për qind të tifozëve.

Organizuesit e eventeve sportive duhet t’ju përmbahen me përpikëri rregulloreve anti-COVID-19 siç janë, mbajtja e distancës prej 1.5 metra, udhëzimet për tifozët, shenjat informuese etj.

Më poshtë e gjeti vendimin e Qeverisë së Kosovës për aktivitetet sportive

38. Lejohet organizimi i garave sportive dhe stërvitjeve përkitazi me protokollet dhe rekomandimet e organizatave botërore për organizimin e ngjarjeve sportive dhe me masat mbrojtëse të Qeverise së Republikës së Kosovës.

39. Ne aktivitetet garuese në hapësira të mbyllura lejohet prania e shikuesve deri në 15% te kapacitetit te objektit apo hapësirës sportive (salla sportive, pishina, hapësira te tjera te mbyllura) duke respektuar masën e distancës prej 1.5 metra dhe masat tjera mbrojtëse.

40. Ne aktivitetet garuese në hapësira te jashtme lejohet prania e shikuesve deri në 30% te kapacitetit të objektit, apo hapësirës sportive (stadium, salla sportive, pishina, hapësira të tjera të mbyllura), duke respektuar masën e distancës prej 1.5 metra dhe masat tjera mbrojtëse.

41. Organizatoret e garës janë të obliguar të ndërmarrin masat specifike, në përputhshmëri me protokollet ndërkombëtare, për menaxhimin e masës (tifozëve) para, gjatë, dhe pas hyrjes në hapësirën sportive.

42. Lejohet shfrytëzimi i fitneseve, palestrave dhe të ngjashme për aktivitete individuale rekreative, sipas udhëzuesit përkatës.