Katër persona kanë humbur jetën dhe dhjetë të tjerë janë plagosur si pasojë e një sulmi me armë zjarri në një sallë ahengjesh pranë qytetit Stockton, në shtetin e Kalifornisë, raportoi Associated Press.

Sipas autoriteteve lokale, të shtënat ndodhën gjatë një tubimi familjar mbrëmjen e së shtunës. Në mesin e viktimave raportohet se ka fëmijë dhe të rritur, ndërsa disa nga të plagosurit janë dërguar me urgjencë në spitalet e zonës.

Autoritet lokale thanë se dyshohet që sulmi mund të ketë qenë i planifikuar, por hetimet vazhdojnë dhe deri më tani nuk ka të arrestuar.

Autoritetet kanë bërë thirrje për qetësi dhe bashkëpunim nga qytetarët që mund të kenë informacione rreth ngjarjes.