Kapen mbi 6 ton mallra të kontabanduara
Njësitet e Antikontrabandës së Doganës së Kosovës kanë parandaluar katër raste të tentimkontrabandës në regjionin e Mitrovicës.
Dogana ka treguar se në orët e mëngjesit janë ndaluar disa automjete të dyshimta, të cilat po bartnin mallra të kontrabanduara nga Serbia.
Dogana ka njoftuar se automjetet dhe mallrat e sekuestruara janë:
- Në automjetin e parë janë gjetur 1200 litra pije joalkoolike, 105 litra vaj ushqimor dhe 144 litra tretës/nitro solvent.
- Në automjetin e dytë është hasur në 1470 litra pije joalkoolike.
- Në automjetin e tretë është hasur në 2329 litra pije joalkoolike.
- Në automjetin e katërt është hasur në 900 litra tretës/nitro solvent.