Johnson: Franca duhet t’i marrë prapa emigrantët që kaluan ilegalisht në Britani

Kryeministri britanik, Boris Johnson i ka bërë thirrje Francës që të pranojë të “marrë përsëri” njerëzit që kaluan Kanalin Anglez.

Kryeministri tha se i kishte shkruar presidentit francez, Emmanuel Macron duke përcaktuar pesë hapa për të “ecur më tej dhe më shpejt” për të shmangur përsëritjen e tragjedisë të së mërkurës ku humbën jetën 27 persona.

Një marrëveshje kthimi për ata që kalojnë Kanalin do të kishte një “ndikim të menjëhershëm dhe domethënës”, shtoi ai.

Më herët një burim qeveritar tha se Mbretëria e Bashkuar dhe Franca kishin zhvilluar bisedime “pozitive”.

Pavarësisht kësaj, ai tha se 47 mijë tentativa për kalimin e Kanalit në Mbretërinë e Bashkuar u zhvilluan këtë vit dhe 7,800 njerëz u shpëtuan.

Go to TOP