Fronti i Gjelbër-Majtas ka bërë thirrje sot për përgjegjësi dhe përmbajtje në zgjidhjen e krizës në manastirin e Banjskës në veri të Kosovës, transmeton Kosova.info.

Kjo organizatë politike i ka shprehur ngushëllimet familjes së viktimës së Policisë së Kosovës.

“Dënojmë ndërhyrjen e personave të armatosur dhe të maskuar në manastirin e Banjskës, si dhe të gjitha provokimet dhe çdo dhunë nga cilado anë që vjen dhe apelojmë në vetëpërmbajtje të policisë së Kosovës dhe autoriteteve të Kosovës, si dhe qytetarët e veriut të Kosovës, në mënyrë që kriza të zgjidhet me sa më pak viktima. Paqja nuk ka alternativë”, theksoi Fronti i Gjelbër-Majtas në një deklaratë.

Fronti i Gjelbër-Majtas kërkon “një hetim të plotë dhe të besueshëm për të gjitha rrethanat që çuan në vdekjen e policit të plagosur të Kosovës dhe plagosjen e kolegut të tij, në vend të deklaratave nxitëse dhe demagogjisë nacionaliste që kurrë nuk kanë kontribuar për asgjë të mirë në Ballkan.”

“Ne bëjmë thirrje për kthim në negociatat që kanë korniza dhe tema specifike dhe kontribuojnë në qetësimin e tensioneve dhe lehtësimin e jetës në veri të Kosovës. Sulmet ndaj policisë së Kosovës, djegia e shtëpive të serbëve të kthyer në Kosovë apo arrestimet e rastësishme të serbëve nuk do të kontribuojnë për një jetë paqësore dhe zgjidhjen e problemeve të njerëzve të zakonshëm. Jeta me barrikada, tensione, bllokadë të tregtisë, heqja e lirisë së lëvizjes, represioni policor, mungesa e rendit dhe ligjshmërisë, nuk përfaqëson një jetë të denjë për njerëzit në zemër të Evropës në shekullin e 21-të. Ne kërkojmë që autoritetet në Beograd dhe Prishtinë të arrijnë urgjentisht një marrëveshje për sekuencën e hapave në zbatimin e Marrëveshjes së Ohrit në mënyrë që të normalizohet jeta”, thuhet në komunikatës e Frontin e Gjelbër-Majtas.

Në deklaratë, ata i bëjnë thirrje Qeverisë së Kosovës që urgjentisht të publikojë draft-statutin e Bashkimit të Komunave Serbe, në mënyrë që të fillojë një debat publik për atë tekst dhe miratimin e Statutit, i cili do t’i jepte tyre kompetenca funksionale vetëmenaxhimit.

“Bëjmë thirrje për shqyrtimin e krijimit të organeve të përkohshme të vetëqeverisjes që do të përgatisin zgjedhje të lira dhe demokratike dhe vendosjen e pushtetit legjitim lokal në zonat banuara me shumicën serbe në veri të Kosovës. Është e qartë se militarizimi gjithnjë e më intensiv i policisë së Kosovës, pjesëtarët e së cilës nuk vijnë nga komuniteti serb apo kanë marrëdhënie të mira me komunitetin në të cilin supozohet të ruajnë rendin dhe paqen, është një recetë për fatkeqësi. Një situatë e tillë është e paqëndrueshme”, thuhet në njoftim, duke shtuar:

“Ne gjithashtu bëjmë thirrje për një marrëveshje të rinovuar për funksionimin e organizatave rajonale mbikombëtare që do të mbrojnë dhe monitorojnë në mënyrë efektive zbatimin e marrëveshjeve rajonale dhe do të përgatisin rajonin për pranim në Bashkimin Evropian në vitin 2030.” theksohët.