Agjentët e FBI-së bastisën shtëpinë e ish-këshilltarit të Sigurisë Kombëtare të SHBA-së, John Bolton, të premten herët si pjesë e një hetimi për sigurinë kombëtare.

Bastisja e rezidencës së Bolton në Bethesda, Maryland – afër Uashingtonit, filloi rreth orës 7 të mëngjesit sipas kohës lokale dhe u urdhërua nga Drejtori i FBI-së, Kash Patel, transmeton New York Post.

Patel më vonë postoi në kompaninë amerikane të mediave sociale X se “ASKUSH nuk është mbi ligjin… agjentë të FBI-së në mision”.

Hetimi thuhet se përfshin dokumente të klasifikuara dhe fillimisht u nis disa vite më parë përpara se të lihej në pritje nën administrimin e ish-presidentit Joe Biden “për arsye politike”, raportoi e përditshmja, duke cituar një zyrtar të lartë amerikan.

Bolton, i cili shërbeu si këshilltar i sigurisë kombëtare i Trump nga viti 2018 deri në vitin 2019, por më vonë e kritikoi ish-shefin e tij, është përballur më parë me akuza për përfshirjen e materialeve të ndjeshme në kujtimet e tij të vitit 2020, “Dhoma ku ndodhi”.