Presidenti i Republikës Srpska, Milorad Dodik ka shprehur opinionin e tij sa i përket çështjes së krijimit të Asociacionit në Kosovë.
Dodiku ka thënë se serbët duhet të jenë të bashkuar për negociata si për ta pranuar propozimin franko-gjerman ashtu edhe për ta refuzuar.
“Nëse plani franko-gjerman refuzohet, atëherë ai duhet të refuzohet nga qeveria dhe opozita, si dhe nga shoqëria në tërësi. Gjithashtu, nëse e pranojmë, atëherë duhet ta bëjmë të gjithë”, shkroi ai në llogarinë e tij në Instagram.
Dodiku ndër të tjera thekson se është e rëndësishme që serbët mos të ndahen më.
Kujtojmë se edhe në Kuvendi e Serbisë pritet të diskutohet për propozimin franko-gjerman.
