Një burrë nga Maryland i ShBA-së, i cili bleu disa bileta lotarie me gërvishtje teksa priste drekën e tij, përfundoi duke fituar 100 mijë e 10 dollarë.

Fatlumi u tha zyrtarëve të Lotarisë së Maryland-it se e filloi ditën e tij duke ndihmuar një të afërm të zhvendoste një varkë në depo dimërore dhe më pas u nis për të blerë ushqim për drekë.

Ai shtoi se ndaloi në dyqanin Giant në Princ Frederick dhe bleu disa bileta lotarie me gërvishtje për të mbajtur veten të zënë teksa priste porosinë e tij në një dyqan sanduiçësh aty pranë.

Një nga katër gërvishtjet e tij prej 5 dollarësh i dha atij çmimin prej 10 dollarësh dhe një nga dy biletat e tij prej 10 dollarësh “Blizzard Bucks” përfundoi duke i fituar atij çmimin kryesor prej 100 mijë dollarësh.

“Pashë një tjetër zero dhe një tjetër zero, një tjetër zero dhe një tjetër zero”, kujtoi lojtari duke zbuluar në heshtje shumën e çmimit.