Mbrëmë, deputeti i Vetëvendosjes, Albin Kurti, mori pjesë në ceremoninë lamtumirëse të organizuar në rezidencën italiane për të shënuar përfundimin e mandatit të Gjeneral Major Enrico Barduani si komandant i KFOR-it.

Gjatë takimit, Kurti shprehu mirënjohjen e tij për Gjeneral Major Barduani, duke vlerësuar bashkëpunimin e frytshëm që ka ekzistuar ndërmjet institucioneve kosovare dhe misionit të NATO-s në Kosovë gjatë kohës së tij në detyrë.

Kurti theksoi rëndësinë e kontributit të Gjeneral Major Barduani në ruajtjen e sigurisë dhe paqes në vend, ndërsa i shprehu urimet më të mira për suksese në detyrat e reja që e presin në të ardhmen.