Dafina Zeqiri publikon pamje nga projekti i ri me Mumën “Dashni”

Dy artistët e njohur, Dafina Zeqiri dhe Muma po vijnë me një bashkëpunim të ri muzikor.

Dyshja kanë njoftuar përmes llogarive përkatëse në rrjetet sociale se kënga mban titullin “Dashni” dhe pritet të publikohet më 7 mars.

Ndërsa, së fundi ishte Dafina ajo që ka sjell pamje të shkëputura nga xhirimet e klipit, teksa dëgjohet edhe një pjesë e shkurtër e këngës.

Foto” Dafina Zeqiri/Instagram

Në njërin postim, këngëtarja shihet pranë partnerit të saj, DJ Geek, ndërsa në një tjetër derisa vallëzon hipur mbi një kuti xhami.

E veshur në një fustan të shkurtër me ngjyrë të zezë dhe mëngë të gjata me pupla, dukja plot stil e Dafinës kompletohej me taka të larta po ashtu me ngjyrë të zezë dhe flokët e gjata të hedhura prapa supeve.

Foto: Dafina Zeqiri/Instagram

Ndërkaq, theksojmë që Dafina dhe Muma më parë kanë bashkëpunuar në këngën “Pa ty”, projekt që u prit mjaft mirë dhe deri tani ka grumbulluar mbi 50 milionë klikime në YouTube.

Krahas këtyre projekteve, artistja gjithashtu në tetor të vitit të kaluar lansoi albumin “Dafinë moj”, në të cilin u përfshin gjithsej 14 këngë.

Go to TOP