Burime të mirëinformuara të Kosova Info bëjnë të ditur se gjatë ditës së sotme pritet të dorëzohen 155 nënshkrime për nisjen e procedurës së votëbesimit ndaj kryetarit të LDK-së, Lumir Abdixhiku.

Sipas të njëjtave burime, dokumenti me nënshkrimet pritet të dorëzohet nga deputeti i LDK-së, Armend Zemaj.

Nëse këto informacione konfirmohen, numri i nënshkrimeve tejkalon pragun statutor të nevojshëm për ngritjen e çështjes së votëbesimit në Kuvendin e LDK-së.

Sipas Statutit të LDK-së, nënshkrimet nuk e shkarkojnë automatikisht kryetarin, por hapin procedurën që çështja të shqyrtohet dhe të vendoset me votë nga delegatët e Kuvendit të partisë.

Kosova Info do të sjellë zhvillimet e fundit dhe reagimet zyrtare sapo ato të bëhen publike.