Ylli i Hollywoodit, Bruce Willis, ka vendosur të rishkruajë testamentin e tij dhe të heqë ish-bashkëshorten e tij Demi Moore, por ky vendim nuk pritet të ndikojë në marrëdhënien e tij me aktoren.

Pak kohë më parë, Bruce njoftoi tërheqjen nga aktrimi pasi u diagnostikua me afazi, një sëmundje e lidhur me dëmtimin e trurit. Kjo ndër të tjera ndikon në jetën e tij të përditshme duke i penguar aftësitë e tij komunikuese dhe aftësinë për të folur.

Kuptohet se sëmundja ndikoi edhe në aftësinë e tij për të punuar si aktor, duke qenë ky një nga faktorët e daljes në pension të tij. Kjo ka bërë që ai t’i kushtojë më shumë kohë më të dashurve, ndër të tjera, pasi tani ka më shumë kohë të lirë.

Aq sa i ka kaluar këto Krishtlindje i rrethuar nga familja, përfshirë ish-partneren, Demi Moore dhe Emma Heming, partneren e tij aktuale. Aktori ka vendosur t’i kalojë Krishtlindjet me të dy, bashkë dhe me të gjithë fëmijët e tij.

Radar Online sigurohet se Bruce Willis ka ndryshuar testamentin për të lënë jashtë Moore. Nëna e tre fëmijëve të tij nuk do të përfshihet më në të edhe pse sipas ngjarjeve të fundit duket se marrëdhënia e tyre është e mirë.

Megjithatë, kjo ka një justifikim mjaft logjik sipas të njëjtës media. Pasuria e madhe e Demi Moore është më se e mjaftueshme për të siguruar tre vajzat që ata ndajnë: Rumer (34 vjeç), Scout (31) dhe Tallulah (28).

Sipas marrëveshjes së re, pjesa më e madhe e pasurisë së Willis do t’i shkojë partneres së tij aktuale dhe dy vajzave të tyre të vogla.

“Bruce donte të sigurohej që të kujdesej për familjen e tij të re,” tha një burim i brendshëm për Radar Online.

“Ai beson se Rumer, Scout dhe Tallulah kanë marrë më të mirën nga ajo që ai ka për të ofruar financiarisht gjatë gjithë jetës së tyre. Testamenti i Bruce -it në fakt është ribërë vite më parë pasi ai u martua me Emën në vitin 2009, u ndryshua pasi lindën fëmijët dhe më pas përsëri kur ishte e qartë se shëndeti i Bruce -it po përkeqësohet.”