Skuadra kampione e Kosovës, Ballkani do të nisë sot rrugëtimin në Ligën e Konferencës.

Pas eliminimit befasues nga Santa Coloma në rrethin e parë të Ligës së Kampionëve, skuadra e drejtuar nga Ilir Daja do të bëjë përpjekje për ta përsëritur suksesin e dy viteve radhazi për kualifikim në fazën e grupeve të garës së tretë për nga rëndësia në UEFA.

Pengesa e parë në këtë synim do të jetë skuadra nga Malta. Ndeshja e parë zhvillohet sot në stadiumin “Zahir Pajaziti” në orën 18:00, derisa ajo e kthimit pas një jave në Maltë.

Fituesi i kësaj përballje, do takohet me skuadrën Larne, e cila është kualifikuar direkt për në raundin e tretë. Ndeshja Ballkani – Hamrun Spartans transmetohet ekskluzivisht në RTK, nën komentimin e Arben Berishës.