Hykmete Bajrami i ka cilësuar si të pavërteta deklaratat e ministrit të financave Hekuran Murati i cili ka thënë se i ka shpërndarë 800 milionë euro ndihma qytetarëve dhe bizneseve, që dy vite.
“Por ai nuk e ka guximin ta publikoj asnjë listë të top 50-përfituesëve, të “200 masave të tij”, sot paska renditur një mal me të pavërteta për konferencën e LDK-së, tha Bajrami duke i bërë thirrje ministrit të mos thotë të pavërteta.
“Minister, mos thuaj të pavërteta!Bizneseve as nuk ju ke rritë tatimin e as nuk përfitojnë nga pezullimi i vlerësimit. Minister, që dy vite as edhe një vendim të vetëm nuk e ke marrë për avancim dhe përmirësim të politikave fiskale, thjeshtë po bën punën e një kontabilisti, po të pëlqen të kesh bilanc pozitiv, po i varfëron qytetarët përmes tatimeve dhe mandej po bën sikur po i shbërblen ata me nga 50 e 100 Euro”, tha Bajrami.
Sipas saj asnjë shtet nuk është zhvilluar me politikën e lëmoshës. Për konferencën e LDK-së dhe propozimet e tyre ministri Murati propozimet e tyre i ka ndërlidhe me përfitime të bizneseve.
“Minister, je gabim dhe me vjen keq që je kaq injorant, e as idenë me të vogël nuk ke se çka bën ministria juaj. Këtu po t’i publikoj dëshmitë që Departamenti i Tatimit në Pronë, MFPT, në vlerësimin e fundit nuk i ka prekë fare bizneset, sepse ka qënë vlerësim për pronat rezidenciale. Bizneseve as nuk u është rritë tatimi e as nuk do të përfitojnë nga pezullimi i vlerësimit.
Pezulloje vlerësimin ashtu siç ta kemi kërkuar e mos thuaj të pavërteta! Shih foto 1. E-mail i dërguar nga Ministria te komunat, foto 2, kartela e një hipërmarketi i cili tatimin në vitin 2023 e ka të njëjtë si në vitin 2022”, ka thënë Bajrami. /Kosova.info/
