Arsenal ka arritur një fitore të thellë ndaj Real Madrid në ndeshjen e parë të çerekfinaleve të Champions League.

Ndeshja e luajtur në stadiumin “Emirates” në Londër ka parë një performancë të shkëlqyer nga skuadra e Mikel Arteta, e cila ka mposhtur skuadrën e Carlo Ancelotti me rezultatin 3-0. 

Dy gola të shënuar nga Declan Rice (58′ dhe 70′), të dy nga gjuajtje të lira, dhe një gol tjetër i Mikel Merino (75′) kanë vendosur fatin e ndeshjes. Real Madrid, pavarësisht përpjekjeve të shumta, nuk ka arritur të shënojë dhe ka dështuar të krijojë rrezik për portën e kundërshtarëve.

Me këtë fitore të rëndësishme, skuadra e Arteta ka siguruar një avantazh të madh për ndeshjen e kthimit dhe ndodhet në një pozicion shumë të komod për të avancuar më tej në kompeticion. Ndërkohë, në ndeshjen tjetër të luajtur në të njëjtën kohë, Inter ka mposhtur Bayern Munich.

Inter del fitues nga Munich

Inter Milan ka arritur një fitore të rëndësishme ndaj Bayern Munich në ndeshjen e parë të çerekfinaleve të Champions League, duke mposhtur ekipin gjerman 1-2 në “Allianz Arena”.

Italianët kanë kaluar të parët në epërsi me golin e Lautaro Martinez në minutën e tridhjetë e tetë. Pas shumë mundimesh dhe përpjekjeve, Bayern ia ka arritur ta barazojë rezultatin në minutën e tetëdhjetë e pestë me golin e veteranit Thomas Muller, i cili është futur në lojë vetëm disa minuta më herët.

Megjithatë, Inter nuk ka vonuar dhe ka reaguar menjëherë pas barazimit, duke shënuar golin e dytë përmes Davide Frattesi, i cili e ka dërguar topin në rrjetë vetëm dy minuta pas golit të Muller.

Kjo fitore e Inter është shumë e rëndësishme, duke e çuar skuadrën e trajnerit Simone Inzaghi në një pozicion të favorshëm për ndeshjen e kthimit. Ndërkohë, në ndeshjen tjetër të luajtur në të njëjtën kohë, Arsenal ka mundur Real Madrid me rezultatin 3-0.

Të mërkurën do të zhvillohen dy ndeshje të tjera: PSG do të përballet me Aston Villa dhe Barcelona do të ndeshet me Borussia Dortmund.