Ambasada e Shteteve të Bashkuara të Amerikës ka njoftuar për punëtorinë që trajtoi menaxhimin e lëndëve penale, organizuar për 30 gjyqtarë nga Gjykata Themelore e Prishtinës.

“Gjyqtarët e qarkut të ShBA-së, kryetari i Gjykatës Themelore të Prishtinës dhe Këshilltari Ligjor Rezident prezantuan praktikat më të mira, që mbulojnë kontrollin e lëndëve, seancat përgatitore, gjykimet e njëpasnjëshme, seancat e dënimit dhe menaxhimin e sallës së gjyqit”, ka njoftuar ambasada.

Ambasada ka deklaruar tutje se kjo është përpjekje për efikasitet të gjykatave të Kosovës.

“Ky bashkëpunim nënvizon përkushtimin tonë për të rritur aftësitë e gjyqtarëve kosovarë dhe për të përmirësuar efikasitetin e gjykatave”, kanë shkruar ata. /Kosova.info/

The Embassy’s Office of Overseas Prosecutorial Development, Assistance, and Training (OPDAT), in partnership with the Kosovo Justice Academy, held a criminal case management workshop for 30 judges from the Pristina Basic Court. U.S. District Judges, Pristina Basic Court… pic.twitter.com/bRWTHkcO9Q

— U.S. Embassy Pristina (@USEmbPristina) June 4, 2024