Policia e Kosovës njofton se gjatë një operacioni në një shtëpi në Prizren janë arrestuar pesë persona të dyshuar dhe gjatë kontrollimit janë gjetur e sekuestruar substanca narkotike.

“Drejtoria për Hetimin e Trafikimit me Narkotik e Policisë së Kosovës, Njësia në Prizren pas një pune hetimore më 7 nëntor 2024, ka realizuar një operacion kontrolli në një shtëpi në Prizren ku janë arrestuar (pesë) 5 persona të dyshuar dhe gjatë kontrollimit janë gjetur e sekuestruar dëshmitë/provat materiale si në vijim:

-14 qese substancë narkotike e dyshuar si kokainë me peshë prej 4.39 gramë, 67 qese substancë narkotike e dyshuar si marihuanë me peshë prej 1.103.84, 5 telefona, 1 automjet”, thuhet në njoftimin e policisë.

Sipas njoftimit rasti po hetohet nga njësitet e antidrogës së Policisë së Kosovës dhe vendimet tjera do të ndërmerren në koordinim të plotë me organet e drejtësisë. /Kosova.info/