Kryetari i Lidhjes Demokratike të Kosovës , Lumir Abdixhiku, ka përkujtuar gjenocidin në Srebrenicë, ku u masakruan mbi 8 mijë bura myslimanë.

Abdixhiku tha se ky gjenocid është shenja më e errët e historisë moderne, pasi “8.372 djem dhe burra u ekzekutuan nga forcat nacionaliste serbe”.

“Ekzekutuesit kanë një trashëgimi të fortë në Serbi sot; mohuesin e gjenocidit”, ka shkruar ai në Twitter.

Atë se çka ka ndodhur në Srebrenicë, e përkujtuar edhe Albin Kurti, kryeministër i Kosovës. Ai ka thënë të hënën se ajo çfarë ka ndodhur në Srebrenicë 27 vjet më parë nuk është asgjë më pak pos gjenocid.

Kurti përmes një postimi në Facebook, ka përkujtuar 11 korrikun e vitit 1995, ku forcat serbe masakruan mbi 8 mijë burra myslimanë në Bosnje.