Kryeministri i Shqipërisë, Edi Rama, ka publikuar një fotografi me Kryeministrin e Kosovës, Albin Kurti.

Këtë fotografi ata e kanë realizuar në Konferencën e Sigurisë që mbahet në Mynih të Gjermanisë, ku dyshja po marrin pjesë.

Sipër kësaj fotografie, Rama ka vendosur flamujt e Kosovës dhe Shqipërisë dhe një zemër në mes.

Kryeministri Albin Kurti ka udhëtuar mbrëmë për në Mynih të Gjermanisë, për të marrë pjesë në Konferencën e Sigurisë që mbahet atje.

Sipas njoftimit të ZKM’së, Kurti do të zhvillojë takime me liderë shtetërorë dhe përfaqësues institucionesh, pjesëmarrës në këtë konferencë.