Presidentja Vjosa Osmani gjatë konferencës për media ka bërë të ditur se zgjedhjet në komunat veriore do të mbahen në muajin prill.

Pas konferencës zyra për informim e Presidencës ka bërë të ditur edhe datën përmes një komunikate për media.

“Presidentja Osmani cakton 23 prillin e vitit 2023, datë të re për mbajtjen e zgjedhjeve të parakohshme për komunat: Mitrovicë e Veriut, Zubin Potok, Leposaviq dhe Zveçan”, thuhet në njoftim.

Sipas Osmanit ka pasur konsensus të plotë mes partive politike për shtyrjen e zgjedhjeve në veri të vendit dhe se është marrë parasysh edhe vlerësimi i institucioneve kompetente rreth situatës së sigurisë në veri të vendit.

“Vendimi i Presidentes udhëzon Komisionin Qendror të Zgjedhjeve që të ndërmarrë të gjitha veprimet e nevojshme për mbajtjen e zgjedhjeve në datën e re”, thuhet tutje në komunikatë./Kosova.info