Trajneri i Real Madridit, Alvaro Arbeloa, tha se nuk është magjistar pas fitores 2-1 të ekipit të tij ndaj Rayo Vallecano.

Madrilenët fituan fal një penalltie të shënuar nga Kylian Mbappe në minutën e dhjetë të kohën shtesë.

“Nuk jam magjistar. Ajo që kërkova nga lojtarët është ajo që po shoh: angazhim dhe mentalitet. Përpjekja që treguan duhet të vazhdojë. Ky është Real Madrid, dhe duhet të bëjmë më shumë se ekipet e tjera për të fituar. Jam i sigurt që Valencia do të luajë ndeshjen e vitit në shtëpi, dhe për ta fituar, do të duhet të luajmë shumë mirë”, ka thënë Arbeloa.

Ai foli edhe për reagimin e tifozëve në ‘Bernabeu’.

“Gjithmonë do të respektoj tifozët. E kuptoj nga vijnë dhe ku kemi qenë. Nga aty, lojtarët kanë treguar një mentalitet shumë të fortë. Duhet të vazhdojmë të punojmë. Nuk ka tjetër zgjidhje”, theksoi Arbeloa.