Instituti Hidrometeorologjik i Kosovës ka njoftuar se gjatë fundjavës vendi ynë do të karakterizohet nga mot kryesisht me diell dhe me vranësira të shpërndara.

Temperaturat minimale do të sillen nga -1 deri në 4 gradë Celsius, ndërsa maksimalet e ditës do të arrijnë nga 18 deri në 23 gradë Celsius duke krijuar kushte të përshtatshme për aktivitete në natyrë.

Sipas parashikimeve, do të fryjë erë e lehtë nga drejtimi i veriperëndimit, me shpejtësi prej 1 deri në 4 metra për sekondë.

Në përgjithësi, fundjava pritet të jetë e qetë dhe me kushte të mira atmosferike në tërë territorin e Kosovës. /Kosova.info/