Ka qenë një ndeshje plot gola dhe emocione ajo mes Liverpoolit dhe Milanit, e zhvilluar në Hong Kong, ku kuqezinjtë italianë dolën fitimtarë me rezultatin 4-2, në një tjetër miqësore të kësaj verë.

Pas humbjes minimale 1-0 ndaj Arsenalit disa ditë më parë, skuadra e Massimiliano Allegrit reagoi në mënyrën më të mirë të mundshme, duke mposhtur ekipin e drejtuar nga Arne Slot me një paraqitje bindëse.

Golat për Milanin u shënuan nga Rafael Leao, Ruben Loftus-Cheek, si dhe një dopietë e Noah Okafor, ndërsa për “të kuqtë” shënuan Dominik Szoboszlai dhe Cody Gakpo, me golat e tyre që vlejtën vetëm për statistikë.

Milani tregoi stabilitet mbrojtës dhe efikasitet në kundërsulm, duke dhënë sinjale të qarta se është në rrugën e duhur në prag të sezonit të ri.

Kjo fitore ndaj një rivali të nivelit të lartë si Liverpool konfirmon formën në rritje të kuqezinjve në këtë fazë përgatitore.