Kryetari i Lidhjes Demokratike të Kosovës, Lumir Abdixhiku, ka marrë pjesë sonte në Ferizaj, në një takim të ngrohtë me kryetarët dhe anëtarët e nëndegëve të LDK-së, me rastin e shënimit të 35-vjetorit të themelimit të kësaj dege. Krahas Abdixhikut, në këtë ngjarje ishte i pranishëm edhe Visar Ymeri, një nga bashkëpunëtorët e ngushtë në këtë rrugëtim politik.

Abdixhiku shprehu kënaqësinë e madhe për takimin me strukturat bazë të partisë duke vlerësuar lart angazhimin e pandalshëm që anëtarët e Ferizajt kanë treguar ndër vite në shërbim të LDK-së dhe të vendit.

“Rrugëtimi vazhdon,” u shpreh Abdixhiku duke ritheksuar përkushtimin për të ardhmen dhe për unitetin brenda partisë. Ai i uroi të gjithë themeluesit dhe kontribuesit në këtë rrugëtim të gjatë duke e cilësuar 35-vjetorin si dëshmi të qëndrueshmërisë dhe vlerave të LDK-së.

Ngjarja shënoi jo vetëm një përvjetor simbolik, por edhe një moment mobilizues për strukturat partiake drejt sfidave të ardhshme politike. /Kosova.info/