Është ndarë nga jeta Martin Hajdari, një prej figurave më të dashura dhe karizmatike të Prishtinës, njeriu që i dha shpirt e zë rrugës së famshme “Te kafet e rakisë”, përmes kafiterisë së tij legjendare “Martini”.

Ai ishte shumë më tepër se një gastronom – ishte mik, shok, patriot, artist në mënyrën e të jetuarit, dhe një qytetar model i cili do të mbahet mend me respekt e mall nga të gjithë ata që e njohën.

Me stilin e tij unik, buzëqeshjen gjithnjë të gatshme dhe afërsinë me të gjithë, Martini krijoi një vend ku Prishtina rrëfente historitë e saj – një tempull modern të kulturës urbane, miqësisë dhe respektit për vlerat.

Prishtina sot ka humbur një personazh të pazëvendësueshëm, një simbol që i dha identitet një lagjeje dhe frymë një gjenerate.

Ngushëllimet më të sinqerta familjes Hajdari, miqve, dhe karvanit të gjatë të myshterive që “Martini” i bashkonte çdo ditë me ngrohtësi.

Lamtumirë, Martin – rrugët e qytetit nuk do të jenë më njësoj pa ty. /Kosova.info/