Shpëtim Hajdaraj, djali i heroit të madh të kombit, Smajl Hajdaraj, është dëshmi e vazhdimësisë së vlerave patriotike, guximit dhe përkushtimit ndaj vendit. Me rrënjë të thella në historinë e lavdishme të luftës për liri, Shpëtimi ka vendosur ta vazhdojë misionin e lënë në gjysmë nga babai i tij – një figurë e shquar dhe e paharrueshme e Ushtrisë Çlirimtare të Kosovës, komandant në Rugovë dhe ish-deputet i Kuvendit të Kosovës.

Smajl Hajdaraj, njeri me virtyte të larta kombëtare, u vra në mënyrë barbare në vitin 2002, por vepra dhe ideali i tij për një Kosovë të lirë, të drejtë dhe të barabartë mbetet burim frymëzimi për shumëkënd. Sot, Shpëtimi, me krenarinë e një djali dhe përgjegjësinë e një qytetari të ndërgjegjshëm, po kandidon për deputet në Kuvendin e Kosovës për të çuar përpara vizionin që babai i tij e nisi.

Shpëtim Hajdaraj përfaqëson breza të rinj që besojnë në ndryshim, drejtësi dhe forcimin e shtetit të Kosovës. Kandidatura e tij në listën e Lëvizjes Vetëvendosje 118 ,me numrin 57 është një ftesë për të gjithë ata që besojnë në një të ardhme më të mirë për Kosovën, ku trashëgimia e së kaluarës nderohet duke ndërtuar një të ardhme të drejtë, të sigurt dhe të zhvilluar.

Me energjinë dhe përkushtimin e tij, Shpëtimi synon të jetë zëri i qytetarëve në parlament, duke u angazhuar për:

• Forcimin e sundimit të ligjit dhe drejtësisë;

• Përparimin ekonomik dhe krijimin e mundësive të barabarta për të rinjtë;

• Mbrojtjen e vlerave kombëtare dhe avancimin e shtetit të Kosovës në rrugën drejt zhvillimit dhe integrimit ndërkombëtar.

Shpëtim Hajdaraj është simbol i besimit se sakrificat e së kaluarës nuk ishin të kota dhe se, së bashku, mund të ndërtojmë një të ardhme ku ëndrrat e paraardhësve dhe përkushtimi i tyre për atdhe bëhen realitet.

Më 14 shkurt, votoni për një zë të fortë dhe të besueshëm në parlament. Votoni Shpëtim Hajdaraj, numri 57 në listën e Vetëvendosjes 118 – për ta vazhduar rrugën e nisur nga babai i tij dhe për t’i shërbyer Kosovës me nder dhe përkushtim!