Zyrtarët e NATO-s dhe Britanisë së Madhe kanë paralajmëruar se rezervat e municioneve ushtarake perëndimore po arrijnë fundin dhe prodhimi duhet të rritet për të ndihmuar luftëtarët ukrainas.

“Fundi i fuçisë tani është i dukshëm”, tha Rob Bauer, kryetar i Komitetit Ushtarak të NATO-s dhe zyrtari më i lartë ushtarak i aleancës, të martën gjatë një diskutimi në Forumin e Sigurisë në Varshavë, raporton CNN.

“Ne kemi nevojë që industria të rrisë prodhimin me një ritëm shumë më të lartë,” tha ai, raporton CNN.

Gjithashtu është paralajmëruar për varfërimin e fondeve.

Ndërkohë, Shtëpia e Bardhë beson se Kongresi do të miratojë ndihmën e re për Ukrainën pasi financimi për Kievin nuk u përfshi në një marrëveshje të minutës së fundit për të shmangur një mbyllje të qeverisë.