Një grua 70-vjeçare nga Uganda, Safina Namukwaya, sfidoi pritshmëritë dhe u bë një nga nënat më të vjetra në botë, pasi lindi me sukses binjakët përmes trajtimit të fekondimit in vitro (IVF).

Binjakët, një djalë dhe një vajzë, u lindën me prerje cezariane të mërkurën në një spital në Kampala, ku zonja Namukwaya kishte marrë trajtim IVF.

Sipas BBC, spitali e uroi atë, duke thënë se ishte më shumë se një “sukses mjekësor; ka të bëjë me forcën dhe qëndrueshmërinë e shpirtit njerëzor”, transmeton Klankosova.tv.

Edward Tamale Sali, një specialist i fertilitetit në Spitalin Ndërkombëtar dhe Qendrën e Fertilitetit të Grave (WHI&FC), i tha BBC-së se nëna përdori një vezë dhuruese dhe spermën e partnerit të saj për procedurën e fekondimit in-vitro (IVF). Foshnjat lindën para kohe në javën e 31-të dhe u vendosën në inkubatorë. Sali thotë se ata aktualisht janë “të qëndrueshëm”.