Vesa Luma mirënjohëse ndaj atyre që e ndihmuan në karrierë: Jam me fat që Shqipëria me rriti artistikisht
Këngëtarja e njohur, Vesa Luma ka treguar edhe një herë mirënjohjen për të gjitha ata që e ndihmuan dhe vlerësuan karrierën e saj muzikore.
Nëpërmjet një postimi në Instagram, këngëtarja e njohur u shpreh se dëshiron që sa herë që i vije mundësia të shpreh falënderim për të gjithë ata që e ndihmuan në rrugëtimin e saj profesional.
Vesa e cila ka kohë që nuk ka sjellë një projekt të ri muzikor, duke iu përkushtuar familjes dhe jetës private, tha se ndihet me fat që Shqipëria e rriti artistikisht.
Foto: Vesa Luma/Instagram
“Nuk është me 28 nëntori, por dua te them prap…jam me fat, shumë me fat që Shqipëria me rriti artistikisht, ma dha kulturën e punës, u trajnova ndër vite nga njerëzit më të ngritur e te çmuar të muzikës e televizionit. Nuk ka ndonjë motiv të caktuar ky postim. Thjesht dua që sa herë të kam mundësi të shpreh mirënjohjen për njerëzit që më kanë ndihmuar të eci në rrugë shumë të vështira qeëky profesion ka”, ka shkruar Luma në mbishkrimin e postimit që e shoqëroi me disa imazhe nga performancat e saj.
Kujtojmë që Vesa është e martuar me reperin Big Basta, çifti janë prindër të një djali.
Ajo dhe bashkëshorti i saj prej kohësh u zhvendosën në Zelandën e Re, por që aktualisht janë rikthyer në Shqipëri.