“Me shumë dashuri nga Prishtina”, babai i Rita Orës ia uron ditëlindjen e 31-të të bijës me fotografi të vjetra të familjes në Kosovë
Këngëtarja shqiptare me famë botërore, Rita Ora, feston sot (e premte) ditëlindjen e saj të 31-të.
Me këtë rast ajo ka marrë urime të shumta nga miqtë, kolegët dhe familjarët e saj.
Babai i këngëtares, Besniku, i cili këto ditë ndodhet në Kosovë, ka shfrytëzuar rastin që t’i urojë të bijës 31-vjetorin e lindjes përmes rrjeteve sociale.
Foto: Besnik Ora/Instagram
Ai ka publikuar në llogarinë e tij zyrtare në Instagram disa fotografi, njëra prej të cilave përfshin qëndrimin e saj mbi obeliskun NEWBORN në Prishtinë, në vitin 2012 kur edhe xhiroi klipin “Shine Ya Light”
Të tjera imazhe janë fotografi të rralla të Ritës nga fëmijëria e saj, një prej të cilave përfshin një vizitë të familjes në qytetin e tyre të origjinës, Pejë, përkatësisht bjeshkët e Rugovës.