Pas protestave të shqiptarëve, kroatëve dhe boshnjakëve vitin e kaluar në Nju Jork pranë konsullatës së Serbisë lidhur me mosndëshkimin e krimeve të luftës, ka filluar të aktivizohet lobi serb që përmes disa kongresistëve të minimizojnë krimet e luftës, shkruan Kosova.info.

Kjo manovër taktike e tyre është në përputhje me dokumentin memorandumi 2 i AShS të cilën asnjëherë nuk e pranojnë ekzistonin e saj. Dokumenti trajtohet si jo zyrtar për përdorim intern në Qeverinë e Serbisë me shenjën “për lexim pa shpërndarje të mëtejshme”.

Në këtë dokument ka një udhëzim sipas së cilës si të minimizohet përgjegjësia e Serbisë për krimet e kryera duke u përpjekur të vendos në pozitë të barabartë me vendet fqinje të saj. Dhe ky aktivizim ndodhë në një moment kur janë nxjerrë shumë rezoluta për ndalimin e mohimit të gjenocidit dhe kur ka filluar të aplikohet lista e zezë ndaj atyre që pengojnë proceset demokratike siç është rasti i Milorad Dodikut.

Këtë fushatë e ka filluar shefi i Përfaqësisë BeH i entitetit Republika Srpska në ShBA, Obrad Kesiq i cili më herët kishte vlerësuar se rezoluta, e cila po përgatitet nga lobistët serbë, tregon se gjërat në Kongresin amerikan po ndryshojnë në masë të madhe në favor të Serbisë dhe Republikës Srpska.

“Rezoluta e shpallur në favor të Serbisë në Kongresin Amerikan është e rëndësishme, sepse njoftimi është se balanca e fuqisë po ndryshon”, theksoi Kesic.

Kesic kishte thënë se komuniteti serb në Shtetet e Bashkuara e ka forcuar ndikimin e tij në vitet e fundit përmes kontakteve personale dhe organizatave që kanë më shumë prestigj në jetën politike dhe zgjedhjet amerikane.

“Kjo do të thotë se gjërat nuk janë më aq të njëanshme sa kur serbët ishin kryesisht pasivë, por ishte gjithashtu shumë e vështirë për të krijuar një komunitet. Megjithatë, tani po bëhet shumë më aktive në të gjithë Amerikën, komunitetet lokale, veçanërisht për zgjedhjet kryesore. vendet.” ato po bëhen më të dukshme dhe aktive”, tha Kesic për Sputnik.

Sipas tij, ndikimi i komunitetit serb është i dukshëm edhe në rastin e letrave të lobistëve shqiptarë dhe boshnjakë drejtuar presidentit amerikan Joseph Biden, të cilat, sipas lobistit të Dodik, Kesic, kanë vetëm një numër modest të nënshkruesve.

“Gjithçka që po bëhet në Kongres është njoftimi se situata po ndryshon në masë të madhe në favor të Serbisë dhe Republikës Srpska,” tha Kesic.

Pas vendosjes së sanksioneve ndaj Dodikut, lobisti i tij Kesic i frustruar filloi të kritikojë ShBA.

Ai tha se duhet pasur parasysh që administrata amerikane të tregojë se është e “pafuqishme” dhe nuk mund të bëjë asgjë përveç që të shtrëngojë për atë për të cilën me muaj është folur dhe të bëjnë presion ndaj “RS” dhe përkundër të gjithave që përfaqësuesi i tyre sikurse Gabrijel Escobar e dinë se problemi kryesor për të ardhmen e BH janë të lidhur jo vetëm me çështjen e RS por edhe çështjen e federatës. Në thelb qëllimi i lobit serb është që kongresi të miratojë një rezolutë me të cilën vendet fqinje të Serbisë ti vendos në pozitë të barabartë me të. /Kosova.info/