Prokurori i Shtetit ka njoftuar se sonte në orën 21:30 do të mbajë një konferencë të jashtëzakonshme për media.

Në njoftim nuk është bërë e ditur arsyeja e thirrjes së kësaj konference për media, por  burimet bëjnë të ditur se konferenca është thirrur pasi policia ka arritur të arrestojë disa persona të dyshuar që kanë të bëjnë me vrasjen e trefishtë në Gllogjan të Deçanit.

Ndryshe dy javë më parë ka ndodhur vrasja makabare në Gllogjan të Deçanit dhe deri më tani autori vrasjes së trefishtë është në arrati.

Ndërkohë, qeveria e Kosovës ka ofruar shpërblim prej 20 mijë euro për ata të cilët mundësojnë arrestimin e autorit të vrasjes së trefishtë në Gllogjan të Deçanit.