Këngëtarja e mirënjohur dhe shumë e dashur për publikun, Filloreta Raçi-Fifi, mbetet ndër personazhet më të komentuara edhe pas largimit nga Big Brother VIP.

Fifi ishte një prej banorëve më të përfolur në shtëpinë e famshme, dhe mori vendim që të largohet pas disa situatave të vazhdueshme që kishin të bënin me shëndetin e saj dhe gjendjen emocionale.

Dhe si duket Fifi tashmë po e shijon ‘lirinë’, pasi sot (e premte) përmes disa postimeve në Instagram ka treguar se ka nis pushimet me shoqërinë e saj dhe vendi që ka zgjedhur është Stambolli.

Foto: Fifi/InstaStory

Këngëtarja nga Ferizaj, ndau disa postime nga aeroplani teksa zbuloi se po shoqërohet nga mikesha e saj, Argjira Spanca dhe Graciano Tagani.

Fifi: InstaStory

Në një imazh që solli për mijëra fansa të saj, krijuesja e hitit “Marova”, shihet e veshur e tëra në të zeza me detaje me ngjyrë të bardhë, ndërsa duket në formë të mrekullueshme.

“Ajo pa dashuri në zemrat boshe”, ka shkruar Fifi në mbishkrimin e imazheve.