Donaldi rrëfen momentet më emocionuese në Big Brother VIP, në mesin e tyre edhe puthja e parë me Beatrixën
Tashmë kanë mbetur vetëm katër banorë deri në finalen e 18 shkurtit të Big Brother VIP.
Donald Veshaj, Einxhel Shkira, Beniada Nishani dhe Iliri Shaqiri janë finalistët e shtëpisë së famshme dhe janë në garë për çmimin e madh.
Në ditët e fundit brenda shtëpisë, banorët po vazhdojnë të bëjnë lojëra të ndryshme të vendosura nga “Vëllai i madh”, por edhe duke rrëfyer eksperiencat dhe momentet më të bukura që kanë përjetuar gjatë katër muajve.
Foto: Top Channel
Gjatë një diskutimi mes Donald, Einxhel dhe Beniadës ishte kjo e fundit që iu tha t’i tregonin emocionet më të forta që kanë përjetuar në BB VIP.
Donaldi përmendi tre prej momenteve të tij më të veçanta, në mesin e tyre edhe puthjen e parë që shkëmbeu me këngëtaren dhe ish-banoren, Beatrix Ramosaj.
Foto: Top Channel
“Kam patur pafund, ishte puthja e parë me Trixën, ardhja e Romeos me parashutë, dhe emocionin që do ta quaja të veçantë, nga kushtet dhe mënyra se si erdhi ishte shitja e pikturës, për mua ka qenë emocioni më i fortë këtu brenda, ai është emocion që nuk përsëritet”, ka thënë Donaldi ndër tjera.
Ndërkohë, kujtojmë që të premten e kaluar (11 shkurt), në gjysmëfinalen e BB VIP u eliminuan dy aktoret, Arjola Demiri dhe Monika Lubonja.