Capital T po sjellë ripërpunimin e këngës “Përjetësisht” të grupit Ritmi i Rrugës
Reperi i njohur shqiptar, Capital T, është pa diskutim një prej reperëve më të pëlqyer të estradës shqiptare.
Ai është gjithmonë aktiv me prurje të reja muzikor dhe duket se ka gati projektin e tij të parë për vitin 2022.
Reperi nga Prishtina përmes një videoje të publikuar në rrjetin social Instagram, i ka paralajmëruar fansat për klipin e ri që do ta publikojë më 22 janar.
Foto: Capital T/Instagram
Dhe ky projekt muzikor duket se do të jetë vërtet i veçantë, kjo pasi bëhet fjalë për ripërpunimin e një kënge shumë të njohur për shqiptar.
Ai ka vendosur të sjellë në versionin e tij këngën hit “Përjetësisht”, të kënduar në vitet e pasluftës nga grupi i atëhershëm, Ritmi i Rrugës.
Capital T teksa publikoi ‘trailer’-in e klipit në Instagram, ndau me fansat edhe disa rreeshta nga ripërpunimi që i ka bërë enkas, duke theksuar edhe momentin e publikimit të saj, që do të ndodhë të shtunën në ora 17:00.
“Nuk ka natë pa agim; Asnjë dimër pa një pranverë; Dhe përtej horizontit të errët; Zemrat tona do të këndojnë edhe një herë; Për ata që na lënë për një kohë; Vetëm janë larguar; Nga një botë e lodhur dhe e shqetësuar; Në një ditë më të ndritshme. ‘Përjetësisht’ – për të gjithë ju që keni humbur dikë që do të shoshte shumë nga dikush që e bëri gjithashtu, 22.01.22 / 17:00”, ka shkruar reperi prishtinas në mbishkrimin e videos në Instagram.
Përndryshe, “Përjetësisht” shquhet si një nga këngët më ikonike shqiptare dedikuar nënës.