Trajneri i Ukrainës, Serhiy Rebrov, ka thënë se skuadra e tij ishte e përgatitur mirë për t`u përballur me Italinë në ndeshjen e cila zhvillohet në “BayArena” të Leverkusenit në Gjermani. 

Në Grupin C të kryesuar nga Anglia, Italia gjendet në vendin e dytë po me pikë të njëjta me Ukrainën që është në vendine tretë. 

“Kjo është një ndeshje ndryshe, ne i kemi dhënë skuadrës të gjithë informacionin që ata kanë nevojë dhe presim një stadium të mbushur plot që mund të mbështesë lojtarët tanë”, ka thënë Rebrov në një konferencë për shtyp. “Është një moment i vështirë dhe ne duam të dhurojmë emocione pozitive për popullin tonë, duke e ditur që kombëtarja mundet në mënyrën e vet të mbështesë ushtarët tanë”.