Kosova.info

Tensionet në veri, ish-luftëtari i UÇK-së nga Mallakastra: Jemi gati të përballemi me Vuçiqin

“Ne nuk e duam luftën, asnjëherë, por nëse ajo do të na imponohet, jemi të gatshëm t’i përgjigjemi deri në atomin e fundit”, tha sot ish-luftëtari i Ushtrisë Çlirimtare të Kosovës (UÇK), Meçan Zotaj në një intervistë për Euronews Albania, pyetur nëse situata në veri mund të përshkallëzohet.

Sipas tij, presidenti i Serbisë, Aleksandar Vuçiq, është ai që jep urdhra për ta bërë sa më të pasigurt zonën e veriut të Kosovës.

“Është problem të ketë një qetësi derisa në Serbi të ndryshohet mentaliteti shovinist, të cilën ata e kanë të mbjellë prej Vasa Çubriloviç, ndoshta edhe më herët. Aty ka shumë burime helmesh të cilët helmojnë popullin e tyre së pari dhe shkaktojnë probleme të herëpashershme ndaj kombit shqiptar”, u shpreh ish-luftëtari i UÇK-së nga Mallakastra.

“Në veri zbatohen të gjitha urdhrat e kriminelit i cili erdhi në Tiranë në datën 6. Ata zbatojnë me përpikëri urdhrat e Vuçiqit për ta bërë sa më të pasigurt zonën e veriut, për të arritur kërkesën dhe maninë e tij se veriu duhet të udhëhiqet vetëm prej serbëve dhe aty nuk kanë çfarë bëjnë shqiptarët”, tha Zotaj.

“Këtë ne e kemi pritur. Ne nuk e duam luftën, asnjëherë, por nëse ajo do të na imponohet, jemi të gatshëm t’i përgjigjemi deri në atomin e fundit, ashtu siç e kemi shprehur më herët, ashtu siç kemi qenë. Ne do të ballafaqohemi edhe me kriminelët, dhe me tradhtarët për të mbrojtur çdo pëllëmbë të atdheut tonë. Serbia, me intrigat, me vrasjet, me kërcënimet, ndoshta me gjithçka që mund të përdorë, nuk do arrijë asnjëherë të na mposhtë e të na gjunjëzojë, qoftë duke vrarë emigrantët tanë që kalojnë ande, qoftë duke shpërthyer bomba në veri të Mitrovicës. Edhe ne nuk jemi më ata të 1999, edhe ne jemi sofistikuar, jemi shkolluar dhe jemi përgatitur me forcat e NATO-s”, theksoi ai.

Meçan Zotaj është veteran i Ushtrisë Çlirimtare të Kosovës. Ai është nga jugu i Shqipërisë, më saktësisht nga Mallakastra. Gjatë kohës së luftës në Kosovë, Zotaj jetonte në Kretë të Greqisë. Kjo nuk e pengoi që ai ta braktiste jetën atje, për të shkuar dhe luftuar në Kosovë.

Më të fundit

escort mersin - izmir escort