Shefi i Grupit Parlamentar të PDK-së, Abelard Tahiri, ka reaguar pasi kryeparlamentari Glauk Konjufca tha se ishte dëgjuar duke sharë.

“Në asnjë rrethanë. Domethënë në asnjë mement, as nuk kam mendu e as nuk e shaj asnjë deputet”, tha ai, pasi iu kërkua ta tërheq atë që e kishte thënë.

“Në qoftë se ka qenë në afekt… për shkak të situatës dhe asaj… mirëpo në asnjë rrethanë kjo nuk i është drejtu asnjë deputeti”, shtoi ai.

“Dhe kushdo që mundet me u ndi i ofenduar, meqenëse e kam përdorë një fjalë të tillë të cilën as nuk po e di, i kërkoj falje, edhe atyre qytetarëve që na kanë shiku”.