Ministrja e Jashtme e Kosovës, Donika Gërvalla, ka reaguar për sulmin i cili u cilësua si terrorist në Turqi.

“E pikëlluar dhe e tmerruar thellësisht nga sulmi terrorist në ambientet e Industrisë Hapësinore Turke (TUSASh) në Kahramankazan, Ankara. Shprehim ngushëllimet tona të përzemërta për familjet e viktimave dhe urimet tona më të mira për shërim të shpejtë për të lënduarit”, shkroi Gërvalla në X.

Ajo ia rikonfirmoi Turqisë solidaritetin e shtetit të Kosovës.

“Në këto kohë sfiduese, Kosova rikonfirmon solidaritetin e saj me Turqinë, mikun dhe aleatin tonë të ngushtë, dhe dënon terrorizmin në të gjitha format e tij”, përfundoi Gërvalla.

Është raportuar se 5 persona janë vrarë, ndërsa janë “neutralizuar” edhe dy nga sulmuesit që iu sulën ambienteve të kompanisë shtetërore e hapësirës ajrore turke. /Kosova.info/

Deeply saddened and appalled by the terrorist attack at the Turkish Aerospace Industries (TUSAŞ) premises in Kahramankazan, Ankara. We extend our heartfelt condolences to the families of the victims and our best wishes for a swift recovery to the injured.

— Donika Gërvalla-Schwarz (@gervallaschwarz) October 23, 2024