Besarta Hamëz Jashari
i kishte 11 vjet
nuk e ka ditë çka âsht lufta
as qysh doket luftari i vramë

Kushtrimi i pat mbushē 13
Besarta e pa tue lujtun n’oborr
keshke me zâ
Iu bâ se po ngiste mas fluturave!?

Në tregimin e Besartes askush s’u vra
Baci knonte
Migja qitke prush përjashta
me duer tue fishllue
ni rakam country

Dikur aj u kujtu se pau andërr
kulshedrën qe kthente flakët në grykë
E zbythej tuj turfullye e tue i lshue udhë dritsë diellit

Kulla si ni djep përkundej

gjyshja Zahë i mlonte thminë që flejshin
Selveten, Hidajeten, Valdeten
Afeten Fitimin Besimin Igballin, Igballen Blerimin Blerinën Lirien Fatimen…

Dhe vet ngat tyne rá!
Kushtrimi shtrëngonte armën fort n’gji
Si lodrën e preferume

Masanej gjithçka pushoi…
Veç mue s’më zuni gjumi
Se binte hi si shi!

i thirrsha me emën
ni nga ni…
Askush nuk u përgjegj.

Halil MATOShI