Selakoviq marrëveshje me Lavrovin, eksperti për Ballkanin: Koha për ta sanksionuar Serbinë

Ministri i Jashtëm rus, Sergei Lavrov dhe homologu i tij serb, Nikolla Selakoviq, kanë nënshkruar një marrëveshje për një plan të konsultimeve mes dy ministrive. 

Nënshkrimi u bë në Neë York në margjinat e Asamblesë së Përgjithshme të OKB-së, e cila në qendër të diskutimit ka pikërisht luftën që ka nisur Rusia në Ukrainë.

Selakoviq nuk ishte i vetmi nga krerët serbë që u takua me ministrin rus. Atë e takoi edhe presidenti serb Vuçiq.

Për këtë lidhje mes dy shteteve ka reaguar eksperti për Ballkanin, Janusz Bugajski, i cili tha se Serbia duhet të sanksionohet meqë po mbështet kriminelët e luftës në Kremlin.

“Është koha që të sanksionohet Serbia. Beogradi mbështet kriminelët e luftës në Kremlin. Pse ajo duhet të përfitojë nga çdo fond apo investim i taksapaguesve të BE-së?”, ka thënë Bugajski.

Ai në Twitter ka shpërndarë edhe videon nga momenti i nënshkrimit.

Sesionin e 77-të të Asamblesë së Përgjithshme të Kombeve të Bashkuara Serbia po e shfrytëzon për të lobuar kundër pavarësisë së Kosovës. 

Go to TOP